Përplasje mes Bardhit dhe Ristanit në studio. Bardhi ndërhyri teksa Ristani fliste në “Opinion”, ndërsa ky i fundit i kërkoi të mbyllte gojën. Madje, Ristani i tha të shkonte e të bënte kafetë tek shtëpia e Lulzim Bashës. Bardhi replikoi dhe mes tyre nisi debate.
Pjesë nga biseda mes tyre:
Gazment Bardhi: Ju e keni mendjen tek karriget. Ja ku po e çoni partinë, thoni që jeni të lumtur, pak rëndësi ka fiton apo nuk fiton Partia Demokratike. E rëndësishme është zgjedhim Këshillin Kombëtar, zgjedhim kryesinë dhe ndani karriget dhe jeni në rregull ju, të keni ato karrige.
Arben Ristani: Shko bëj kafet në shtëpi të Bashës dhe rri rehat. Mbylle gojën kur flas unë
Gazment Bardhi: Unë as nuk kam bërë kafe dhe as nuk i kam shërbyer ndonjëherë raki, unë jam ky që jam. Jam përballë teje. Unë s’të kam shërbyer ndonjëherë kafe ty, ti më ke shërbyer kafe mua, e di shumë mire ti atë që po them…e ke pasur të trashëguar nga komunizmi shërbimin e kafeve…
/a.r
