Në Turqi është prodhuar implanti i eshtrave të kafkës përmes printerit tredimensional. Testimit i implantit të kafkës poroze, që prodhohet me porosi nga Universiteti “Suleyman Demirel” i Spartës, ka dhënë rezultate të suksesshme tek delet. Teknologjia 3D është shfaqur së fundmi me prodhimin e një implanti. Në Universitetin “Suleyman Demirel”, ka përveshur mëngët një ekip i përbërë prej 9 akademikësh të Fakultetit të Inxhinierisë dhe të Mjekësisë. Fillimisht, ekipi ka studiuar strukturën e kockës dhe më pas ka projektuar një implant poroz të dhëmbëzuar me pluhur titani. Ndërsa në pjesën e jashtme ka formuar gropëza gjeometrike, që do të mbushen nga qelizat dhe indet. “Në kuadër të projektit të Këshillit të Kërkimeve Shkencore dhe Teknologjike të Turqisë (TUBITAK), testet e para i kemi realizuar mbi një lepur. Arritëm përfundime të kënaqshme, por jo në nivelin e dëshiruar, pasi eshtrat e kafkës së lepurit janë shumë të holla. Duke qenë kështu, jetësuam planin B të projektit tonë dhe testuam delet. Rezultatet arritën nivelin e dëshiruar”, deklaroi prof. Mehmet Cengiz Kayacan, kreu i ekipit studiues në fjalë. Shkencëtarët turq synojnë që në fazën tjetër të projektit ta testojnë këtë implant edhe mbi njerëzit.
Shkencëtarët turq prodhojnë implantin e kafkës nëpërmjet printerit 3D
TË FUNDIT
