Kanceri më i zakonshëm tek gratë mund të kurohet tërësisht në ardhmen. Kjo është e bërë e ditur gjatë një konference nga professor Nigel Bundred në Konferencën Evropiane për Kancerin e Gjirit në Amsterdam pas testeve të kryera me sukse me një kombinim ilaçesh të njohur si Herceptin (a.k.a trastuzumab) and Lapatinib.
Të dy medikamentet janë përdorur në trajtimet kundër kancerit, por kjo është hera e parë që kombinohen bashkë para ndërhyrjeve kirurgjikale dhe kemioterapisë. Ajo çka ata zbuluan ishte se 2 ilaccet ishin të aftë për eleminuar disa lloje të kancerit të gjirit vetëm në 11 ditë.
Gjithashtu përdorimi i këtyre medikamenteve lufton një proteinë të quajtur HER2 e cila ndikon në rritjen dhe ndarjen e qelizave tumorale.
Ajo çka e bën dhe më të mahnitshme këtë terapi është fakti që mënjanon ndërhyrjet kirurgjikale dhe kemioterapinë, bashkë me të dhe efektet anësore si të vjellat, humbjen e flokëve dhe lodhjen.
Rezultatet e studimit
257 gra me kancer gjiri me HER 2 pozitiv u përzgjodhën për studimin, ku gjysma u vunën nën trajtimin me kombinimin e këtyre dy ilaçeve, ndërsa gjysma tjetër u mbajt në kontroll. Ajo çka u pa ishte se, të trajtuarat me 2 ilaçet ishte: 11 për qind nuk kishin më asnjë qelizë kancerogjene në trup brenda 2 javësh dhe 17 për qind e rasteve kishin masë tumorale të zvogëluar në mënyrë dramatike.
Problem është se Herceptina është e licensuar për t’u përdorur vetëm në trajtimet komplekse të kemios dhe jo veçmas.
Ndonëse ka ende shumë punë për t’u bërë, ky është një hap i madh në luftën ndaj sëmundjeve më vdekjeprurëse në botë. Me avancimin e medikamenteve, shumë shpejt mund të jetë e mundur që vdekshmëria të jetë në nivelet më të ulta.
