Shkencëtarët ende nuk kanë një shpjegim për fenomene të caktuara që ndodhin në mbarë botën. Në Arizona ekzistojnë male ku njerëzit zhduken, ndërsa në Skoci qentë hidhen nga ura e vjetër…
Miniera e arit
Sipas legjendës lokale, në malet Superstition në Arizona ekziston një minierë e fshehur ari. Atë e kishte zbuluar një emigrant gjerman me emrin Jacob Volc, i cili e kishte mbajtur sekret deri në vdekjen e tij dhe askujt nuk i kishte treguar lokacionin e saktë. Që nga vdekja e tij në vitin1981, shumë shkencëtarë janë përpjekur të gjejnë minierën, por shumë prej tyre kanë humbur jetën ose thjesht janë zhdukur, transmeton Telegrafi.
Liqeni Angikuni
Një numër misteresh lidhen me territorin e Nunavut në Kanada, karshi pëshpërimave të shpirtrave të pyjeve dhe kafshëve të çuditshme, gjëja më e çuditshme është zhdukja e një fshati të tërë të quajtur Inuit, që kishte ndodhur në shekullin e 20-të. Më shumë se 30 njerëz janë zhdukur përnjëherë, kurse pas vetes kanë lënë gjërat e tyre, madje edhe ushqimet e përgatitura. Përveç kësaj, edhe varret ishin hapur dhe mungonin trupat e mbetur. Ndërkaq, dëshmitarët të cilët jetonin në afërsi thanë se mbi liqen asokohe kishin parë një objekt të çuditshëm fluturues.
Mali Aokigahara
Mali u bukur në këmbët e Fixhit është një nga vendet më rrëqethëse në botë. Përveç që banorët lokalë pohojnë se ka shpirtra dhe demonë, çdo vit njerëzit shkojnë atje për ti marrë jetën vetes. Për këtë arsye quhet “mali i vetëvrasjes”. Mesatarisht brenda një viti 30 njerëz vriten në Aokigahar, madje autoritet kanë vendosura tabela në hyrje të malit ku luten njerëzit të heqin dorë nga vetëvrasja dhe të kërkojnë ndihmë profesionale.
Qyteti i djallit
Në rajonin kinez Xinjiang, ekziston shkretëtira MoGuiCheng, emri i të cilit do të thotë qyteti i djallit. Shumë njerëz kanë treguar për përvoja të çuditshme derisa ishin në atë shkretëtirë. Disa thonë se kanë dëgjuar rënkimet e një tigri, disa foshnjat duke qarë, kurse disave u duket se kanë dëgjuar tinguj të kitarës, por askush nuk ka mundur të zbulojë se prej nga po vijnë këta tinguj të çuditshëm.
Syri i Saharës
Struktura e cila për vite të tëra po huton shkencëtarët është e dukshme nga hapësira, dhe bartë nofkën “syri i Saharës’ dhe gjendet në Mauritani. “Syri i Saharës” ka formë rrethore dhe është e gjerë 48 kilometra, kurse rrathët e saj janë pothuajse simetrikisht të përkryer. Shkencëtarët nuk po mund ta kuptojnë se pse është kështu, ndërsa disa prej tyre kërkojnë përgjigje tek aktiviteti vullkanik dhe tek rënia e asteroideve, por së fundmi shumë prej tyre kanë filluar të besojnë se bëhet fjalë për erozionin e gurit.
Ura Overtoun
Në urën 100-vjeçare në Skoci nga vitet e 60-ta e deri më sot kanë kërcyer më shumë se 600 qen, ku 50 prej tyre fatkeqësisht nuk i kanë mbijetuar rënies. Askush nuk e di se çfarë i tërheq qentë të kërcejnë, por disa besojnë se aroma e kafshëve të egra. Por banorët e Dunbarosir në të cilin gjendet ura, pretendojnë se ura është e mallkuar për shkak të shpirtit të Zonjës së Bardhë nga Overtouni”. Për këtë autoritet përmes disa tabelave, paralajmërojnë pronarët e qenve që gjatë kalimit mbi urë ti mbajnë në zinxhir qentë.
Liqeni i skeletit
Kur në vitin 1942 është shkrirë liqeni i ngrirë indian i Roopkund, është zbuluar një skenë e tmerrshme. Në liqen janë gjetur mbi 200 skeletë të njerëzve. Fillimisht besohet se skeletet i përkisnin ushtarëve japonezë, por analizat kanë treguar se janë mbi 850 vjet të vjetër. Për shkak të temperaturës në liqen, eshtrat janë ruajtur mirë. Ende nuk dihet arsyeja se pse kaq shumë njerëz kanë vdekur në të njëjtën kohë, por në çdo kafkë kanë gjetur pak gjurmë./Telegrafi/
