Shkenca: Ja 9 mënyra më të mira për të mësuar
Një shtysë më shumë për të nisur ditët e para të shkollës: taktika e sugjerime që mund të revolucionarizojnë dhe përmirësojnë kohën tuaj e kaluar me libra.
Filluan leksionet dhe për shumë persona, orët e gjata të studimit që duhet të kalojnë përgjatë vitit. Cilat janë taktikat e provuara shkencërisht për të mësuar në një mënyrë efikase? Ja 9 mënyra:
1- Programo kohën
Të studiosh një leksion për 10 orë të tëra nuk do t’ju japë ndonjë rezultat të madh. Më mirë ta ndani kohën, madje dhe faqet që do të studioni në pjesë më të vogla. Ndani kohën për shembull 20 seanca të shkurtra nga 30 minuta. Truri është më i aftë të marrë informacione të shkurtra e të programuara në kohë.
2- Mos mësoni në orët e vona
Një natë e kaluar mbi libra rrezikon t’ju dëmtojë kujtesën për 4 ditët e ardhshme. Më mirë të organizoni më parë dhe të caktoni një orar të duhur që t’ia kushtoni mësimit. Truri në këtë mënyrë do të mësohet më lehtë, dhe do të jetë më i përqendruar
3- Mësoni me skema e diagrame
Rileximi shumë herë i të njëjtit paragraf dhe nënvizimi i fjalive kyçe është një teknikë e përdorur nga të gjithë. Por jo domosdoshmërisht fituese. Disa ekspertë e shohin si një mënyrë joproduktive sepse rrezikohet që këto paragrafe të mësohen përciptazi. Një mënyrë e mirë janë diagramat, skemat, dhe vizatimet për të përmbledhur konceptet kyçe.
4- Caktoni një synim
Nuk është e nevojshme për të qenë ambicioz, për ta mësuar të gjithë programin mësimor. Nxitimi i tejkaluar ju bën të harroni dhe ato që keni mësuar. Por caktoni një pikësynim, për numrin e faqeve apo kapitujve që do të mësoni.
5- Studio sikur do të të duhet të japësh mësim
Në disa eksperimente shkencore iu kërkua dy grupeve të ndryshme studentësh të studionin disa nga pasazhet e një teksti. Një grupi iu tha që duhet të bënin një test, ndërsa grupit tjetër iu tha që do t’ia shpjegonin studentëve të tjerë. Në rastin e dytë, pasazhet iu fiksuan në kokë më mirë studentëve. Kur thirret për të dhënë mësim, truri kodifikon dhe organizon informacionet në mënyrë më të qartë dhe të qëndrueshme.
6- Ushtrohuni vazhdimisht
Praktika nuk është kurrë e mjaftueshme. Vihuni vazhdimisht në provë, edhe me provime për të cilat nuk ndiheni ende të gatshëm. Gabimet do t’ju ndihmojnë të nxirrni në pah të gjitha pikat e dobëta tuajat, ju rrit vetëbesimin gjatë provimeve me shkrim, apo dhe atyre me gojë.
7- Gjeni një qoshe për të studiuar
Zgjidhni një vend të qetë, të rregulluar dhe të mirë-ndriçuar, që të ketë gjithçka ju nevojitet për të punuar. Kur t’i bëni këto, truri do ta kuptojë se tani është momenti për t’u përqëndruar dhe dedikuar në atë që duhet mësuar.
8- Një listë këngësh për të studiuar?
Jo kaq shpejt. Nëse në studimet e mëparshme keni mësuar me pak muzikë klasike në sfond për të rritur përqendrimin, kërkimet e fundit kanë treguar se të pasurit një ritëm të vazhdueshëm në vesh gjatë kohës që lexojmë mund të shkaktojë shpërqendrim. Por ka një arsye tjetër pse është mirë t’i shmangim kufjet në vesh kur studiojmë, shikojeni më poshtë.
9- Liheni smartphone-in tuaj në një dhomë tjetër
Duke qenë vazhdimisht të nxitur për të kthyer përgjigje me mesazhe në celular, apo për të hapur rrjetet sociale nuk do t’ju ndihmojë në mësimin e diçkaje. Këtë e dimë, por sa të aftë janë studentët ta bëjnë një gjë të tillë?/Focus.it
