Ata kanë mbijetuar më shumë se 730 si pengje të Hamasit në Gaza. Janë bij, vëllezër, baballarë. 25 muaj në duart e Hamasit, të ndarë nga bota që njihnin, shkruan La Stampa. 20 prej tyre mund të kthehen ende të gjallë në shtëpi, por si hije në vend të qenieve plot ëndrra që ishin më parë. 28 të tjerë të paktën do të prehen në Izrael. Familjet e tyre kërkojnë vetëm që t’i varrosin me dinjitet.
Alon Ohel është i burgosur prej 24 vitesh dhe fotot e tij ishin të fundit që u publikuan nga Hamasi. Ai është i lënduar keqazi në sy dhe me gjasë mund të shohë vetëm silueta e hije. Ish-pengjet që e kanë takuar gjatë muajve të robërisë thonë se mbahet me zinxhirë, në izolim ekstrem dhe nuk i lejohet të shohë dritën e ditës.
Yosef-Haim Ohana, 24 vjeç, nga një ‘magjistar’ kokteilesh në një peng që ka përjetuar dhunë të rëndë fizike dhe abuzim psikologjik.
Guy Gilboa Dalal, 23 vjeç, po studionte japonisht dhe do të ikte në Tokio kur u rrëmbye nga Nova. I lidhur këmbë e duar, hera-herës edhe me një thes në kokë. Shoku i tij i ngushtë është Evyatar David dhe ndoshta do të lirohen të dy.
21-vjeçari Matan Angrest është një nga subjektet e videove të Hamasit, i vendosur në qeli të vogla, i hetuar, i torturuar.
Avinatan Or, 30 vjeç, është një inxhinier elektrik që u rrëmbye bashkë me të dashurën, Noa Argamani e cila u lirua gjatë një operacioni të rrallë special të ushtrisë izraelite.
Matan Zangauker, 25 vjeç, nëna e të cilit është një nga personat që ka folur më fort kundër kryeministrit Netanyahu. Ai u rrëmbye bashkë me të dashurën, Ilana Gritzeësky, që u lirua në fund të nëntorit 2023. E reja tha se ishte abuzuar seksualisht.
Binjakët 27-vjeçarë Gali dhe Ziv Berman ishin të pandarë.
Eitan Mor, 25 vjeç, ëndërronte të hapte restorantin e tij një ditë. Më i madhi në moshë është një kopshtar dhe terapist shiatsu, Omri Miran që u bë 48 vjeç në burg.
Detaje të vogla në historitë e 48 jetëve të ndërprera. Shpresa e së ardhmes është ende e ndezur për 20 prej tyre, por secili ka të njëjtën rëndësi për familjen: “Secili prej tyre është një botë e tërë.”
Hamasi ka kërkuar trupat e vëllezërve Sinwar, Yahya, arkiktektit të suolmit të 7 tetorit që u vra në Gaza një vit më parë dhe Mohammed, i cili zuri vendin e vëllait dhe u vra në maj të këtkij viti në Khan Younis.
Izraeli ka refuzuar lirimin e Marwan Barghouti, pavarësisht këmbënguljes së Hamasit për përfshirjen e tij në marrëveshje.
Emra të tjerë për të cilët nuk ka marrëveshje janë Abdullah Barghouti, Ahmed Saadat, Hassan Salama dhe Abbas al-Sayyed – burra që Izraeli i konsideron si ‘mendjet’ pas sulmeve që tronditën vendin në fillim të viteve 2000.
Do të lirohen 250 të dënuar me burgim të përjetshëm nga 285 gjithsej, si dhe 1700 persona të arrestuar në Gaza gjatë këtyre dy viteve.
Hamas ka kërkuar që në këtë grup të përfshihen edhe disa nga pjesëtarët e njësive elitare Al Nukba, por Izraeli nuk pranon. Sipas Izraelit, këta janë njerëzit që kanë kryer sulmin e 7 tetorit 2023.
