“Shkëlzeni ka financuar Lapajn”/ Avokati: 3 milion euro janë paguar që të bashkojë votat me Berishën

Reagimin e kryetarit të “Shqipëria Bëhet”, Adriatik Lapaj, për kandidatin i cili i kap me kokainë, avokati Idajet Beqiri, e ka quajtur skandaloz.

Në një intervistë në “Edicioni i Fundit” në ABC News, avokati Idajet Beqiri u shpreh kritik ndaj Lapajt duke thënë se qëllimi i vetëm i tij është të bashkojë votat me Sali Berishën.

Më tej nënvizoi se 3 milion euro sipas tij janë paguar që të bashkojë votat me Berishën.

“Një popull i tërë, kur vjen problemi i dinë shumë mirë se si bëhet gjërat. Adriatik Lapaj doli me qëllimin që të marrë një numër deputetësh sado të vogël, ta përdorë dhe t’ja japë Saliut. Ai deklaroi se “do jetë një forcë politike që do çojë vendin në zgjedhje të parakohshme. Gjë që e do vetëm Saliu. Dhe tjetra, ai nuk ka fonde. 3 milion euro Shkëlzen Berisha me urdhrin e babain i ka destinuar për Adriatik Lapajn, që të jetë mbështetja kryesore për Berishën”, tha ai.

Gjatë kësaj intervistë, avokati u shpreh gjithashtu se Adriatik Lapaj po fuqizohet, për t’i ardhur në mbështetje vetëm Berishës.

“SPAK ka shumë punë për të bërë, duhet t’i dalë deri në fund 6 milionë dollarëve. Le ta marrin edhe këtë çështje dhe le ta trajtojnë”, tha ai.