Analisti politik, Shkëlzen Maliqi, ka thënë se premtimi i kandidatit për kryeministër nga koalicioni LDK-AKR-Alternativa, Avdullah Hoti, se do ta bëjë pesë miliardë buxhetin e Kosovës, është i pamundur për t’u realizuar.
“Sa i përket pesë miliardëshit, është i pamundur edhe për dhjetë vjet të realizohet”, ka thënë Maliqi në Klan Kosova.Maliqi po ashtu ka thënë se Hoti s’ka ndonjë zgjidhje për demarkacionin.
Sipas tij, Hoti “për demarkacionin më shumë ikte në përgjigje se sa jepte një zgjidhje”.
Maliqi ka vlerësuar se Hoti, megjithatë, është më premtues se kryeministri në largim, Isa Mustafa. (b.an)