Mesfushori Nicolas Pepe, një nga talentet e kampiontit francez, aktualisht me Lille, ka refuzuar transferimin në Premier League, pasi synon të luajë në Bundesliga me kampionët e Bayern Mynih. Lajmin e konfirmon “The Sun”, sipas së cilës 24-vjeçari ka kthyer pas dy oferta të ardhura nga Anglia.
Liverpool dhe Manchester United kanë shfaqur interes për Pepe, mesfushorin e krahut të djathtë të Lille dhe Bregut të Fildishtë. Mesfushori synon të luajë me kampionët e Gjermanisë. Duket se Bayern e ka kontaktuar dhe bindur më herët lojtarin të transferohet në Bundesliga.
Pepe pritet të jetë pasuesi i denjë i dy legjendave të skuadrës bavareze si Robben e Ribery, ndaj te Bayern duket se ka vendin e sigurtë. Lojtari ka një kontratë deri në vitin 2022 me Lille (79 ndeshje dhe 37 gola me këtë ekip), por mund të largohet për shumën e 60 milionë eurove.
