Një super operacion ndërkombëtar i koduar “BALCANIA”, i shtrirë në Itali ne qytetet Rimini, Foggia, Ravenna dhe Piacenza dhe në Shqipëri në qytetet Tiranë dhe Durrës, ka bërë shkatërrimin e një grupi të strukturuar kriminal ku janë vënë në pranga 14 persona. Sipas policisë në mesin e të arrestuarve janë 5 shtetas rumunë, 1 shtetas italian dhe 8 shtetas shqiptarë me inicialet E.C, A.H, E.C, K.J, A.D, E.SH, E.V dhe G.D.
Policia sqaron se 2 shtetas shqiptarë të cilët ishin në kërkim janë arrestuar në Tiranë dhe ata janë Ergyst Çeka, 26 vjeç, banues në Tiranë dhe Kujtim Jangozi, 40 vjeç, banues në Krujë, me qëllim ekstradimi drejt Italisë.
Të gjithë personat e arrestuar dyshohen se janë pjesë e një grupi kriminal të organizuar i përfshirë në shpërndarjen e lëndëve narkotike dhe shfrytëzmin e prostitucionit në zonen e Riminit.
