Policia e Durrësit ka finalizuar me sukses një superoperacion antikanabis ditën e djeshme, ku janë sekuestruar 500 kg Cannabis Sattiva, 4 mjete dhe 12 telefona celularë, dhe janë arrestuar 5 persona.
Mësohet se në pranga janë vënë:
• Adem Laze 47 vjeç , banues në Xhafzotaj, Durrës;
• Elisar Barashima 29 vjeç, banues në Kurcaj, Fushë-Krujë;
• Mustafa Sala 22 vjeç, banues në Hasan, Fushë- Krujë;
• Gjon Syziu 23 vjeç, banues në Mirditë;
• Tanush Rica 23 vjeç, banues në Rrëshen.
Gjithashtu është shpallur në kërkim:
• T.D. 29 vjeç, banues në Xhafzotaj, Durrës.
Mësohet se policia e Durrësit, ditën e djeshme ka goditur në të njëjtën kohë 3 raste të prodhimit dhe shitjes së narkotikëve.
Konkretisht, në vendin e quajtur “Kthesa e Ariut”, në Kullë, në fshatin Hasan, Fushë- Krujë dhe “4 Rrugët Shijak” gjatë kontrollit të ushtruar në mjetet tip Fiat AA 473 GA, me drejtues T.D. , mjetin tip Audi me targa AA 682 ES, me drejtues Adem Laze, mjetin tip Benz me targa AA 579 GA, me drejtues Elisar Barashima dhe pasagjer Mustafa Sala dhe mjetin tip Benz me targa AA 036 OS me drejtues Gjon Syziu dhe pasagjer Tanush Rica, u gjetën dhe sekuestrua në cilësinë e provave materiale:
• rreth 500 kg lëndë narkotike e dyshuar e llojit Cannabis Sattiva;
• mjeti furgon tip Fiat;
• automjeti tip Audi;
• 2 automjete tip Benz dhe
• 12 telefona celularë.
Policia thotë se po punon për kapjen e personave të tjerë të përshirë në këtë aktivitet kriminal. /b.d
