Një grup prej 5 shqiptarësh u arrestuan këtë mesditë në itali për akuzën e një serie vjedhjesh. Të rinjtë, emrat e të cilëve nuk bëhet me dije po kalonin “pushime luksi” në një hotel me 4 yje, ku kishin prenotuar 3 dhoma, ku secila kushtonte rreth 800 euro në muaj.
Shqiptarët e moshave nga 30 deri në 21 vjeç merrnin pjesë në grabitje të ndryshme. Por mënyra sesi janë kapur ata mund të habisë shumëkënd. Gjatë një kontrolli të territorit nga policia, një makinë ka injoruar shenjën e policisë për të ndaluar dhe ia ka mbathur. Pas një ndjekjeje të shkurtër, makina u ndal dhe katër personat që ishin aty morën arratinë në këmbë. Policia arriti të bllokojë një 27-vjeçar.
Makina me të cilin shqiptarët lëviznin ishte në emër të një kompanie që nuk ekzistonte… pas hetimeve policia më pas ka mësyrë në shtëpitë “luksoze” të shqiptarëve duke sekuestruar një sasi prej rreth 30 mijë eurosh, një sërë bizhuterish, orësh e celularësh të vjedhur./java/a.k
