Autoritetet italiane, në bashkëpunim me policinë shqiptare, kanë shkatërruar një bandë shqiptarësh, që merrej me shfrytëzimin e femrave për prostitucion. Mësohet se 17 shqiptarë janë arrestuar në Itali, Slloveni dhe Shqipëri, pasi dyshohen se janë anëtarë të bandës që vepronte kryesisht në Milano, Monza, Rimini dhe në Tiranë.
Policia shqiptare ka dhënë detaje rreth operacionit të përbashkët që është kryer me policinë italiane, duke publikuar edhe identitetin e personave të arrestuar.
Sipas Ardian Çipës, drejtor i sektorit të Krimit të Organizuar, katër persona janë arrestuar në Shqipëri, 11 në Itali dhe 1 në Sllovaki.
Arrestimet në Shqipëri: Ered Dorzi, Dorian Sinani, Julian Lila, Ened Bare, dhe Silvjo Ndreaj.
Arrestimet në Itali: Haki Lamcaj Grisel Malaj, Armand Mecaj Orges Osmani, Izmir Rizaj Artan Ndreaj, Indrit Ndreaj, Mark Ndreaj, Lorenc Saliasi, Amarildo Saliasi, Elvis Ziu Bledar Malaj.
Sipas hetimeve, banda rekrutonte vajza të reja në Europën Lindore, duke i joshur për punë të ndershme dhe më pas i shfrytëzonin dhe i detyronin të prostituonin.
“Ka qenë një grup kriminal me një aktivitet shumë aktiv, veprimtaria kriminale ushtrohej në Itali. Policia e Shtetit falënderon partneret ndërkombëtarë për bashkëpunimin e shkëlqyer”,- deklaroiÇCipa.
