Ka shkuar në 25 numri i personave që kanë humbur jetën si pasojë e tornadove të fuqishme që goditën ditën e shtunë disa zona në Mississippi të Shteteve të Bashkuara të Amerikës.
Qindra banesa u shkatërruan nga erërat që arrinin deri në 274 km/orë, ndërkohë që dëmet janë të pallogaritshme.
Autoritetet kanë evakuuar banorët e mbetur në Silver City dhe Jackson, teksa më shumë se 25 mijë shtëpi janë pa energji elektrike.
Guvernatori Tate Reeves vizitoi zonat më të prekura dhe vendosi të shpallë gjendjen e emergjencës. Sipas tij një pjesë e mirë e rezidentëve në zonat e goditura nga tornadot kanë humbur pothuajse gjithçka.
Presidenti Joe Biden diskutoi me autoritetet në Mississipi dhe pasi shprehu ngushëllimet për viktimat, premtoi ndihmë për tejkalimin e kësaj situate të vështirë.
/a.r
