Këshilli i Ministrave ka shkarkuar diten e sotme, Ali Mysliun si prefekt i Qarkut të Elbasanit. Ne mbledhjen ku mongonte kryeministri Edi Rama, eshte emeruar ne kete post ish-zv.ministri i Energjisë Ilir Bejtja. Ky i fundit ka qene dhe deputet i Partise Socialiste ne qarkun e Elbasanit.
Ilir Bejtja, që tashmë do të jetë prefekt i Qarkut Elbasan, së fundmi është paraqitur dy ditë radhazi në Prokurorine e Posacme Anti-korrupsion (SPAK) me datat 10 dhe 11 shkurt.
Ilir Bejtja, ish deputeti i PS, është marrë në pyetje nga prokurorët e posaçëm, por ende nuk eshte bere publike se per cilen dosje po hetohet ish-zyrtar i Ministrise se Energjitikes dhe Infrastrukturës.
Bejtja është shkarkuar nga detyra e zv.ministrit të Energjisë më 28 Shtator 2023, me një vendim qeverie, ndersa sot emerimi i tij si prefekt i Elbasanit eshte bere me firmen e zv.kryeministres.
Vendimi:
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, të ndryshuar, me propozimin e ministrit të Brendshëm, Këshilli i Ministrave
V E N D O S I:
Z. Ali Mysliu, prefekt i Qarkut të Elbasanit, lirohet nga kjo detyrë.
Z. Ilir Bejtja emërohet prefekt i Qarkut të Elbasanit.
Ky vendim hyn në fuqi menjëherë dhe botohet në “Fletoren zyrtare”.
