Ish-anëtari i Këshillit Mbikëqyrës në Bankën e Shqipërisë, Arben Malaj, ka paditur sot Kuvendin në Gjykatën Administrative.
Padia e Malajt vjen pas vendimit të Kuvendit për ta shkarkuar atë nga detyra në BSH.
Malaj e ka depozituar vetë padinë në Gjykatën Administrative, i shoqëruar nga avokati i tij, Jordan Daci.
Shumica e akuzoi Arben Malajn me argumentin se gjatë vitit 2018 deri në korrik 2019, ai kishte bërë deklarata politike që nuk i shërbejnë publikut, dhe në kundërshtim me kompetencat e postit të tij publik.
Arben Malaj, ish-ministër i Financave, ishte emëruar anëtar i Këshillit Mbikëqyrës të Bankës së Shqipërisë në korrik të vitit 2016.
g.kosovari
