Ish-Drejtori i Përgjithshëm i Postës, Majlind Lazimi ka bërë denoncim në prokurori pas shkarkimit nga detyra. Ish-zyrtari i LSI ka denoncuar ministren Milva Ekonomi për shkarkim të paligjshëm. Lazimi deklaroi se nuk është njohur me motivacionin dhe se shkarkimi nga detyra është politik dhe i paligjshëm.
“Kam bërë kallzim penal në adresë të ministres Ekonomi, pasi në shkelje të plotë të ligjit dha urdhër për shkarkimin tim. Urdhri i Ekonomit, për shkarkim nga nga detyra me motivimin “shpërdorim detyre” është i paligjshëm. Nuk kam asgjë të shkruar për motivacionin e shkarkimit tim.
Do të depozitoj kallëzim edhe në gjykatën administrative për ta shpallur urdhrin të pavlevshëm”, deklaroi Lazimi./javanews.al/a.ç