Pasi u shty për disa herë radhazi, Gjykata e Apelit në Tiranë ka caktuar datën 15 mars për shqyrtimin e vendimit të gjykatës së Shkallës së parë, për deputetin e Partisë Demokratike Ervin Salianji, i cili është shpallur fajtor për veprën penale ‘kallëzim të rremë’. Nëse Apeli do të konfirmojë vendimin e Shkallës së Parë atëherë deputeti Salianji, rrezikon burgun.
Salianji u shpall fajtor për veprën penale ‘kallëzim i rremë’ në lidhje me çështjen “Babale” dhe u dënua me një vit burg nga gjykata e Shkallës së Parë.
Në Apel e ka çuar çështjen dhe gazetari Jetmir Olldashi, i cili u dënua me 6 muaj burg të konvertuar në 100 orë shërbim komuniteti.
Deputeti Ervin Salianji dhe gazetari Jetmir Olldashi u shpallën fajtorë nën akuzën e ‘kallëzimit të rremë’ lidhur me inskenimin e audio-përgjimit me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës. Gjykata e shkallës së parë vendosi 1 vit burgim për ish-deputetin Salianji me akuzën e kallëzimit të rremë kryer në bashkëpunim.
/f.s
Me kujdes “SAPUNIN” Respekt per risjelljen ne jete te DREJTESISE.Atje te mesoje se si behet Politikan.
Shpresoj që drejtësia të JAPË DREJTËSI, dhe mos të bëhet fluger (tregues i drejtimit të erës) i flurudhës së brekëve të Grida Dumës, dhe ky djalka i Bujar Salianjit, të dalë pa u lagur, me gjithë atë BABOLE pisllëk që krijoi, inspiroi dhe prezantoi po ky vetë, duke dalë si triumfator “mbi të ligun” për të djegur Kryeministrinë, Ministrinë e Brendëshme e Parlamentin.