Ish-deputetja e LSI, Silva Caka ka folur në emisionin “Zona Zero” në Top News për përplasjen e fortë që po ndodh brenda kampit opozitar.
Sipas Cakës, zyrtarëve të LSI, iu ishte ndalur rreptësisht të flisnin për zhvillimet në PD, por ishte Lulzim Basha që e hapi i pari “luftën”.
“Ka pasur mosmarrveshje, për të cilat kur nuk është rënë dakord, secili ka ndjekur rrugën e vet. Këto deklaratat e fundit janë provokim, për shkak të hallit që ka kryetari i PD-së.
Nuk ishim ne që e sulmuam Bashën. Nuk kishim aspak dëshirë. Jemi pyetur shpesh si janë raportet tona, si i shohim zhvillimet në PD. Kemi dashur të qendrojmë të distancuar. E kishim të ndaluar që të flisnim për atë që po ndodh në PD. Secili duhet të mbajë pozicionin e vet. Nuk i kemi asnjë borxh Lulzim Bashës.
Ne nuk e kemi ndalur për asnjë moment opozitarizmin tonë kundër qeverisë. Nuk do të mjaftohemi më vetëm me denoncime, do të bëjmë edhe padi”, u shpreh ajo.
Ajo u kujdes që të thonte se LSI ka marrëdhënia të mira me PD-në, por “përplasja është vetëm me Lulzim Bashën dhe Gazment Bardhin”./m.j
