Gjykata e Tiranës ka caktuar masën e sigurisë “burg pa afat” për 22-vjeçaren Rexhina Çelhaka, e cila shkaktoi aksidentin tragjik në Qafë Muzinë, duke lënë 5 të vdekur, si dhe mbetën të plagosur 4 të tjerë.
Sipas ekspertizës, “Land Roveri” i drejtuar nga 22-vjeçarja Rexhina Çelhaka i ka dalë përpara fugonit me pasagjerë që po ngjiste rrugën, duke bërë që fugoni të përfundonte në kanal dhe për pasojë të humbnin jetën 5 pasagjerë, përfshirë edhe drejtuesin e mjetit.
Kujtojmë se në aksidentin e së enjtes humbën jetën shoferi i fugonit Bardhi Prodo, çifti i bashkëshortëve, Fiqiri e Dritë Korçari, dhe 2 shtetas ukrainas, Tetiana Fediaieva dhe Olesandr Fediaieva.
Ndërkohë që të plagosura kanë mbetur Greta Daberdini, 25 vjeçe, banuese në Tiranë (pasagjere në mjetin tip fugon), Rexhina Çelhaka (drejtuese Land Rover), Ana Koskovila, 23 vjeçe dhe Giulia Parimi, 22 vjeçe, banuese në Itali (pasagjere në Land Rover).
/b.h
