Specialistët e Seksionit kundër Krimit Ekonomik-Financiar në Drejtorinë Vendore të Policisë Korçë, filluan procedimin penal në gjendje të lirë për E.B, 21 vjeç, banues në Pogradec.
Procedimi ndaj tij filloi pasi, dyshohet se i ka shitur G.Ç, 24 vjeç, banues në Durrës, katër bidona plastikë me një sasi prej 100 litra naftë, e dyshuar si kontrabandë.
Kjo sasi është konstatuar gjatë kontrollit të ushtruar mjetit tip autobus “Man”, me targa DR 9767 E, në pronësi të këtij të fundit, në aksin rrugor Pogradec-Lin.
Materialet i kaluan Prokurorisë të Rrethit Gjyqësor Pogradec për veprën penale : “Tregtimi dhe transportimi i mallrave që janë kontrabandë”.
a.ç
