Policia ka arrestuar në flagrancë një person, pronar të një biznesi, për veprën penale “Prodhim dhe shitje të lëndëve narkotike”.Në pranga ka rënë Marsel Hajrulla, 29 vjeç, banues në Vlorë pasi gjatë një kontrolli të ushtruar nga Shërbimet e Policisë në lokalin “bar-bilardo” në lagjen “Isa Boletini”, në pronësi të këtij shtetasi, u gjet hashash.
Lënda narkotike ishte fshehur në pjesën e banakut dhe policia sekuestroi një sasi prej 100 gram, e cila u sekuestrua në cilësinë e provës materiale. Materialet iu dërguan Prokurorisë për veprime të mëtejshme procedurale.
