“Flasin në emër të popullit për varfërinë, por nuk e dinë se çfarë është varfëria. 20 e ca vite e kishin mundësinë dhe nuk e bënë. Kanë kaluar nga karrigia në karrige dhe nga partia në parti, për punët e tyre në emër të popullit. Këta s’kemi per çfarë t’i dëgjojmë, sepse i kemi parë. Bënë më shumë dëm sesa punë. Janë bërë edhe punë, por janë bërë më shumë dëme. Me të gjitha ato para që janë harxhuar, kanë dalë nga xhepi i shqiptarëve nga taksat për 25 vite me punët që janë në oborrin e shtëpisë tonë, llogaria s’del. Po të shikosh sa para janë harxhuar për ujësjellësa nga ’91, sot do të kishim shtruar tubat e ujit për Shqipërinë, Kosovën dhe Tetovën. Ky është realiteti. E këta dinë vetëm të helmojnë dhe të marrin për hunde sa më shumë njerëz që dëshpërimi i pengon që të shohin shpresë dhe që lodhja ua ka sosur durimin”, u shpreh Rama.
Rama theksoi se konfliktet për pronat kanë sjellë 8 mijë vrasje e plagosje në 25 vite.
“8 mijë vrasje e plagosje në Shqipëri, për pronën, kjo është një masakër. Për faj të shtetit, për faj të këtyre që bëjnë teori, që na bëjnë me gisht ne për plagët që hapën vetë. Duan ta marrin sërish për budalla këtë popull, a thua se nuk ishin në pushtet për 25 vjet. Pse nuk i bënë këto?”, tha Rama.
