Rriten ndjeshëm rastet ditore me koronavirus në Kosovë. Kështu, sipas të dhënave të Institutit Kombëtar të Shëndetësisë në 24 orët e fundit janë regjistuar 546 persona të infektuar me virusin vdekjeprurës.
Qytetet me më shumë raste të reja në ditën e fundit janë ato të Prishtinës dhe Gjakovës.
Po ashtu, autoritetet njoftuan që 9 persona të tjerë humbën jetën duke e çuar bilancin total të fataliteteve në 714 .
Numri total i të prekurve në Kosovë është 21.545 raste nga të cilat 5002 raste janë ende aktive.
Gjatë 24 orëve të fundit, janë shëruar 107 pacientë derisa numri i përgjithshëm i të shëruarve deri më sot është gjithsej 15.829.
/a.r
