Pavarësisht aksioneve të ndërrmarra nga Qeveria dhe Bashkitë për nxjerrjen e fëmijëve nga situata e rrugës, ky fenonomen mbetet ende shqetësuar. Por kaq problematike është numri i të miturve që shfrytëzohen për punë, ku në vitin 2016, 190 fëmijë janë gjetur duke punuar në ndërrmarrje prodhuese, ato tregtare dhe call center.
Esmeralda është një ndër qindra fëmijë në Tiranë që gjendet në situatë rruge. Punon për të fituar të ardhura, sipas saj për të ndihmuar familjen e madhe me 12 anëtarë.
Ajo i përket komunitetit rom, është 12 vjeç dhe thotë se është regjistuar për herë të parë në shkollë.
Por realisht në vend që të ulej në bankat e shkollës, gjendet duke lypur në Rrugën e Elbasanit, një ndër akset më me fluks kalimtarësh dhe automjetesh.
Gazetarja: Pse nuk ke hyrë më herët në shkollë?
Esmeralda: Isha jashtë shtetit.
Gazetarja: Po tani pse je këtu në Rrugën e Elbasanit?
Esmeralda: Dalim për punë.
Gazetarja: Çfarë bën?
Esmeralda: Lyp.
Gazetarja: Sa fiton në ditë?
Esmeralda: 2-3 mijë lekë. Lyp për bukë, babai është me një këmbë.
Kanë qenë përpjekje të shumta të Bashkisë së Tiranës dhe Ministrisë së Mirëqënies Sociale për të mos lejuar të miturit të jenë në situatë rruge, apo shfrytëzohen për punë.
Të dhënat e Inspektoriatit të Punës tregojnë se në 2016 janë identifikuar 190 të mitur të punësuar nga 50 subjekte si ndërrmarrje prodhuese, në ato tregtare dhe call center.
Ministri Klosi beson se me ligjin e ri të mbrojtjes së fëmijëve ka masa më të forta për prindërit, deri në heqjen e të drejtës së prindërimit në rast se shfrytëzojnë fëmijët për punë, ose ushtrojnë dhunë ndaj tyre.
Klosi: Rrugën e dhunës apo policezke në zgjidhjen e këtyre problemeve. Por padyshim që ka një moment që duhet të ndalemi edhe tek veprimet të cilat dënojnë ata prindër që nuk pranojnë ofertat e punësimit dhe e quajnë fëmijën në situatë rruge si zgjidhjen e problemeve të tyre ekonomike.
Ambasadori i OSBE në vendin tonë, Bernd Borchardt, tha se varfëria nuk është justifikim që të miturit të punojnë duke mbështetur iniciativat në mbrojtje të tyre.
Ambasadori italian, Alberto Cutillo, shprehu shqetësimin se në vendin fqinj janë identifikuar 1400 të mitur shqiptarë të pashoqëruar nga prindërit.
Ndërsa zv/Ministria e Arsimit, Nora Malaj, tha se 234 fëmijë janë regjistruar në shkolla./oranews/a.k
