Kryeministri Edi Rama jep një lajm të mirë lidhur me sheshin “Skënderbej”. Kreu i qeverisë bën me dije se sheshi është në finalen e çmimit të Bashkimit Europian për arkitekturën.
“E paimagjinueshme deri shumë pak kohë më parë! Sheshi Skënderbej në finalen e madhe të Çmimit më prestigjioz të arkitekturës. Çmimi i Bashkimit Europian për Arkitekturën Bashkëkohore që mban emrin e legjendarit Mies Van Der Rohe”, shkruan Rama. Ai e mbyll këtë qëndrim me fjalët “Qentë le të lehin vazhdimi dihet”.
Pas vlerësimeve që mori në bienalen e Çikagos, në qershor 2018 sheshi “Skënderbej” mori edhe çmimin prestigjioz Evropian për Hapësirën Publike Urbane 2018, duke e renditur Shqipërinë në vendin me hapësirën më të bukur pedonale në Europë. Çmimi u akordua nga Qendra e Kulturës Bashkëkohore të Barcelonës dhe gjashtë institucionet evropiane më të rëndësishme të arkitekturës dhe dizajnit në Europë.
/a.meta
