Kryetari i Partisë Radikale Serbe (SRS) Vojislav Sheshelj në Zemun ka dorëzuar për Ministrinë e Punëve të Brendshme aplikimin për pasaportë dhe ka njoftuar se së pari do të synojë të vizitojë Zagrebin, pastaj Sarajevën dhe gjithë Republikën Serbe.
Sheshelj u tha gazetarëve se destinacioni i tij i parë pas marrjes së dokumentit të udhëtimit do të jetë Zagrebi, ku ai ka në plan të udhëtojë gjatë kohës së ndërprerjes zgjedhore, referuan burime të SRS, cituar nga BETA.
Udhëheqësi i SRS-së pas zgjedhjeve ka planifikuar për të udhëtuar në Sarajevë dhe pastaj për të vizituar të gjithë Republikën Serbe, në mënyrë që t’i përfshijë të gjithë qytetet e saj në fushatën zgjedhore për zgjedhjet lokale, u tha në një deklaratë.
Ministria Kroate e Punëve të Brendshme më 31 mars ia ndaloi Shesheljit hyrjen në Kroaci për shkak të rrezikut të prishjes së rendit publik, i tha agjencisë burimi nga policia kroate.
