Sherri mes dy personave ka përfunduar me kërcënimin me thikë dhe arrestimin e një prej të dyshuarve.
Nga ana e policisë së Bulqizës mbrëmjen e kësaj të diele është arrestuar një 26-vjeçar me precedent të theksuar kriminal, i dënuar më parë për veprimtari kriminale në fushën e vjedhjes, shkatërrimit të pronës dhe krimeve kundër personit.
Efektivët e policisë Bulqizë, pas njoftimit të marrë së në lagjen “Gjeologu”, Bulqizë, po ndodhte një konflikt i çastit, ku një shtetas kërcënonte për ta vrarë me thikë një shtetas tjetër, kanë shkuar menjëherë në vendngjarje dhe falë ndërhyrjes shpejtë është parandaluar përshkallëzimi i mëtejshëm i konfliktit.
Në përfundim të veprimeve të para hetimore është vënë në pranga i Rruzhdi Rushiti, 26 vjeç, banues në Bulqizë, i dënuar më parë.
Në cilësinë e provës materiale është sekuestruar thika e përdorur nga shtetasi Rr. R., ndërkohë që ndaj të dyshuarit materialet iu referuan Prokurorisë së Dibrës, për veprat penale “Kanosja” dhe “Prodhimi, mbajtja, blerja apo shitja pa leje e armëve të ftohta”.
/a.r
