Policia e Gjirokastrës bën me dije se ka vënë në pranga dy persona në lidhje me vrasjen e 72 vjeçarit Faik Hajdini, i cili u gjet pajetë dhe me plagë të rënda në një humnerë në zonën e Memaliajt.
Pas një pune hetimore, efektivët e policisë kanë vërtetuar me prova se autori i kësaj vrasje është Berti Kanushi, i cili është shpallur në kërkim, teksa bashkëpunëtorët e tij Skënder e Bledar Hajdini janë arrestuar tashmë.
Berti Kanushi dyshohet se ka kryer vrasjen e 72 vjeçarit për një gardh në territorin që kufizonin banesat e tyre. Konfliktet nisën verbale dhe kulmuan me vrasjen e 72 vjeçarit me sëpatë. Pas vrasjes Berti Kanushi ka kërkuar ndihmën e Skënder e Bledar Hajdinit (babe e bir) për ta hedhur trupin në humnerë dhe fshehur vrasjen. Kjo i ka shndërruar ata bashkëpunëtorë në krim.
Policia e Gjirokastrës përmes metodave speciale ka arritur të zbulojë të gjithë dinamikën dhe autorësinë e krimit. Berti Kanushi është larguar nga vendi i krimit në drejtim të paditur dhe është shpallur në kërkim.
/a.r
