Kryekomisioneri Ilirian Celibashi, ka shkuar për monitorim në KZAZ-në 30 në zonë e Kasharit, ku ditën e sotme u dhunua një nga sekretarët.
Teksa po dilte nga KZAZ-ja 30, Celibashi tha për mediat se numërimi aktualisht kishte nisur pa praninë e vëzhguesve partiak.
“Numërimi ka rifilluar dhe do të akomodojmë çështjen e vëzhguesve nga përfaqësuesit e partive politike dhe të subjekteve. Aktualisht janë vetëm vëzhguesit ndërkombëtarë”, tha Celibashi.
Kujtojmë se lidhur me incidentin e sotëm janë shoqëruar dy persona, të cilët dhunuan sekretarin Remzi Mehmeti.
Njëri prej tyre, sipas policisë është 26-vjeçari Rei Nozlli, ndërsa indentiteti i personit tjetër nuk është bërë ende i ditur.
Sipas burimeve, Nozlli, vëzhgues i Ornaldo Rakipit, goditi me grusht sekretarin e KZAZ-së, çka ka sjellë ndërhyrjen e menjëhershme të forcave të rendit. Pas ngjarjes, ai është shoqëruar në komisariat për t’u marrë në pyetje dhe për të sqaruar rrethanat e konfliktit.
