Debati dhe tensionet për zgjedhjen e kryeprokrures së përkohshme, është zhvendosur nga parlamenti në studiot e emisioneve televizive.
Në emisionin “Top Story”, nuk kane munguar edhe fyerjet mes kryetares se LSI, Monika Kryemadhit dhe Spartak Ngjeles.
Ngjela insiston se prokurorja e Përgjithshme e Përkohshme është zgjedhur nga amerikanët, pa e shkelur në asnjë rast Kushtetutën.
Ai argumenton se ka një ligj organik që përcakton qartë si zgjidhet prokurori i përkohshëm në rast kur nuk është formuar KLP.
Por kryetarja e LSI-së, Monika Kryemadhi se nuk ndan të njëjtin mendim.
Ajo i quan “konspiracion” ato çka thotë Ngjela.
Debati në studion e Top Story:
Ngjela: Prokurori i Përgjithshëm i Përkohshëm nuk është në shkelje me Kushtetutën. Ku e gjen të drejtën ti të prekësh sovranitetin e Kuvendit.
Nuk ceket ajo, apo keni parë Albin Kurtin. Ajo nuk preket. Maxhoranca sa herë të dojë e shkel ligjin, ti mund ta çosh në Gjykatën Kushtetuese, çoje në Strasburg. Nuk e çojnë dot në gjykatën Kushtetuese se nuk fitojnë.
Ka një ligj organik që thotë se në rast kur nuk funksionon KLP, me votim të thjeshtë del një Prokuror i përkohshëm.
Kryemadhi: Nëse e mban mend debatin, ne kemi shkruar edhe afate. Kjo u bë që të mos shkojë në Gjykatën Kushtetuese.
Ngjela: Po mos shko me…Po të duan të shkojnë, unë them që s’ka shkelje kushtetuese. Unë jam profesionist, mos më di Ramën mua. Sjam Rama unë. Ja u kanë marrë Prokurorin e Përkohshëm me lojë të madhe amerikanët.
Kryemadhi: Avokat të mos bëjmë konspiracion tani. Oo avokat ti votove për ligjin për Reformën në Drejtësi. Ti, ti, ti, ke votuar
Ngjela: Çmë duhet mua të votoj
Kryemadhi: Epo mbylle gojën atëhere mos na bëj si avokat i madh. LSI është e vendosur që reforma në drejtësi të bëhet çdo ditë e më shpejt.
a.ç
