Diçka e pazakontë ka ndodhur sot tek Komisioni i Sigurisë. Pas debateve dhe tensioneve, kryetarja e Komisionit Ermonela Felaj ka mbyllur mbledhjen, por ndërkohë që përfaqësuesit e mazhorancës u larguan nga salla, deputetët e opozitës vijuan diskutimet mes tyre.
Drejtimin e mori Flamur Noka, duke e kthyer mbledhjen e Komisionit të Sigurisë në një ‘konferencë’ për shtyp të opozitës.
Komisioni i Sigurisë diskutoi sot për situatën e përmbytjeve dhe për dëmshpërblimin e të dëmtuarve nga moti i keq.
Ndërsa një prej truprojave të sigurisë ka kërkuar të nxjerrë kamerat jashtë, Noka ka treguar ‘forcën’ duke thënë se nuk e ndalon dot Rama jo më kryetarja e komisionit Ermonela Felaj.
“o çun, kush je ti. Nuk i nxjerr dot Edi Rama, jo më..”
Si nisi debati në mbledhje
Ka qenë deputeti i djathtë, Flamur Noka, që i ka marrë mikrofonin socialistes Ermonela Felaj, duke u përplasur me të. Noka nuk ka lejuar kryetaren e komisionit të flasë, pasi i ka mbyllur mikrofonin.
“Ju ju keni fut gishtin qytetarëve dhe nuk i shpërbleni, do merrni gishtin mbrapa”, deklaroi deputeti demokrat.
Noka: A ka mundësi kur të kërkoj unë fjalën mos të thoni njeri.
Felaj: Turp
Noka: Pusho, s’ka nevojë me të dhënë llogari ty, sa ka pasur si puna jote këtu dhe sa do ketë.
Mos iu bëni hile qytetarëve. Ju ju keni fut gishtin qytetarëve dhe nuk i shpërbleni, do merrni gishtin mbrapa. Fjalën s’ma ndalon dot mua jo Sarmonela, po askush. O cun, pusho, ec aty.
Braimllari: E turpshme që të ikë mazhornaca nga komisioni. Jeni totalisht të corientuar dhe nuk ju interesojnë situatat e qytetarëve. Nuk është e vërtetë që përmbytjet kanë qenë më të pakta, por nuk i raportoni dhe i fshihni. Kjo tregon papërgjegjshmërinë tuaj.
Salianji: S’ka ndodhur ndonjëherë në historinë e parlamentarizmit që mazhoranca të braktisë detyrën se i kërkohet llogari nga opozita, nëse do dëmshpërblehen qytetarët. Asnjëherë nuk jemi bashkë dhe as nuk do të jemi, sepse këta mendojnë se e kanë qeverinë për të vjedhur vota. Ministrja të vijë e përgatitur.
Pas debateve, maxhoranca është larguar nga mbledhja. Por, mbledhja vijoi pasi në vend të Ermonela Felajt ishtë ulur Flamur Noka, nënkrytar i komisionit të Sigurisë i cili drejtoi këtë mbledhje me vetëm përfaqësuesit e PD dhe LSI.
