Një sherr mes dy fqinjëve, që u përshkallëzua në përdorimin e armës, për fat të mirë ka përfunduar pa persona të lënduar. Ngjarja ka ndodhur në fshatin Rrilë të Lezhës.
64-vjeçari L.K. dhe M.J. u konfliktuan me njëri-tjetrin, dyshohet për shkak të prerjes së pemëve. Fqinji me iniciale M.J. dyshohet se i preu pemët frutore 64-vjeçarit, çka shkaktoi debatin me tyre.
Më pas, 64-vjeçari L.K. mori çiften dhe qëlloi në drejtim të komshiut të tij për ta vrarë, por fatmirësisht plumbat nuk e prekë dhe nuk pati asnjë të lënduar.
Policia, që u njoftua për ngjarjen, reagoi menjëherë dhe shkoi në vendngjarje duke arrestuar në flagrancë 64-vjeçarin.
Ndërsa, fqinji tjetër u procedua penalisht në gjendje të lirë për veprën penale “Prerja e drurëve dekorativë dhe frutorë”, pasi dyshohet se ka prerë pemët dekorative në pronësi të shtetasit L. K., në fshatin Rrilë, Lezhë.
Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme.
/a.r
