Një person ka mbetur i vrarë dhe dy të tjerë të plagosur gjatë një atentati me armë zjarri në zonën e “Ishkënetës” në Durrës.
Sipas të dhënave nga vendi i ngjarjes, mësohet se kanë qenë dy persona që udhëtonin me një motor që kanë qëlluar mbi viktimën.
Nga plumat janë plagosur edhe Arnold Velaj e Alfons Ismaili, të cilët janë dërguar në Spitalin Rajonal të Durrësit.
Mësohet se ngjarja ka ndodhur në një lokal pas një konflikti, ndërsa viktima po luante bixhoz me dy personat e plagosur.
Policia po kryen veprimet hetimore në vendin e ngjarjes, ndërsa në të gjithë qytetin janë ngritur postblloqe të shumta për kapjen e autorëve.
Viktima, emri i të cilit nuk bëhet ende i ditur është me origjinë nga Laçi por banor i Ish-Kënetës.
