Policia e Kuçovës ka arrestuar dy 17-vjeçarë pasi plagosën me mjete të mprehta një tjetër shtetas.
Mësohet se të dy këta adoleshentë, për motive të dobëta kanë plagosur me thikë në dorë dhe në shpinë një 19 vjeçar.
Kuçovë
Goditën me mjet të mprehtë një shtetas, vihen në pranga dy autorët.
Nga specialistët e Seksionit për Hetimin e Krimeve në Komisariatin e Policisë Kuçovë, u bë arrestimi në flagrancë i shtetasve K.D., 17 vjeç dhe T.H., 17 vjeç, të dy banues në fshatin Lumas, Kuçovë.
Arrestimi i tyre u bë pasi, gjatë një konflikti për motive të dobëta kanë plagosur me mjet te mprehtë (thikë), në dorë dhe shpinë shtetasin A.Q., 19 vjeç, banues në Sheqëz, Kuçovë.
Materialet i kaluan Prokurorisë së Rrethit Gjyqësor Berat, për veprën penale “Plagosje e rëndë me dashje”.
