Policia e Vlorës bën me dije se në orët e vona të ditës së djeshme ka pasur një sherr masiv në qendër të fshatit Xarrë,Konispol.
Mësohet se një grup personash, konkretisht, F.D., N.Gj., P.N., A.N., K.Sh., janë konfliktuar për motive të dobëta dhe janë goditur me sende të forta me V.Ç., Dh.Ll., dhe L.Ç..
Për pasojë ata kanë marrë edhe disa dëmtime të lehta, por janë jashtë rrezikut për jetën. Ndërsa F.D., është transportuar për ndihmë mjekësore në Spitalin e Tiranës.
Në vendngjarje policia ka sekuestruar një armë të ftohtë, mjet prerës (thikë).
Gjithashtu gjatë kontrollit që policia ka ushtruar në banesën e K.Sh., kanë konstatuar një sasi me rreth 741 gram lëndë narkotike Cannabis Sattiva.
Ndaj shtetasve N.Gj., A.N., P.N., F.N., L.Ç., V.Ç., ka filluar proçedimi penal në gjendje të lirë, për veprën penale ”Plagosje e lehtë me dashje” ndërsa është bërë shpalljen në kërkim të shtetasit K.SH., për veprën penale ”Plagosje e lehtë me dashje” dhe ”Prodhimi dhe shitja e narkotikëve’’.
Rasti u denoncua me heret edhe nga ish kryeministri Berisha.
a.ç
