Një incident banal në shkollën e mesme profesionale të Fierit, “Petro Sota”, e njohur dikur me emrin Industrialja.
Sherri i sotëm nuk ka qenë midis nxënësve, siç ndodh rëndom, por midis drejtoreshës, K.N., 36 vjeç, dhe nëndrejtoreshës J.M., 34 vjeç. Kjo e fundit e ka goditur drejtoreshën për motive të dobëta.
Sipas policisë shkak i konfliktit është bërë një debat i çastit mes dy titullareve.
Policia ka dërguar për ndjekje penale nëndrejtoreshën e shkollës.
Po punohet për zbardhjen e plotë të rrethanave të kësaj ngjarjeje, ndërkohë materiale i janë referuar prokurorisë.
