Një nga 10 të dënuarit që ka rezultuar pozitiv me COVID-19 në burgun e Drenovës ka ndërruar jetë. Ai ishte i shtruar në Spitalin COVID 2 “Shefqet Ndroqi”, por gjendja e tij e rënduar shëndetësore e ka bërë të pamundur përballimin e virusit duke i marrë jetën.
I dënuari 74 vjeç, ishte pacienti zero i burgut të Drenovës që infektoi të gjithë të tjerët. Mësohet se ai është Caush Banaj, i dënuar për vrasje me 25 vite burgim.
Ai ka ndërruar jetë para dy ditësh dhe ishte pjesë e 8 të infektuarve të parë në burgun e Drenovës.
Aktualisht si spital COVID për të dënuarit është kthyer burgu i Shënkollit, Aty po trajtohen 40 persona të tjerë të dënuar që kanë rezultuar pozitivë me Covid-19, 10 prej të cilëve u transferuan mëngjesin e sotëm nga burgu i Drenovës.
Në total, në Shqipëri numri i viktimave ka shkuar në 321. Vetëm gjatë 24 orëve të fundit, u raportua zyrtarisht se kanë ndërruar jetë 2 pacientë, ndërkohe 147 të tjerë rezultuan pozitiv me COVID.
