Dhjetë minuta para gjysmëfinales së Kupës së Botës, çdo futbollist ka shumë mendime në kokë. Dikush si Kylian Mbappé duhet të ketë qindra, e imagjinojmë. Edhe sikur të shpërqendrohej për një moment, pikërisht kur nuk donte.
Nxemja para ndeshjes me Marokun, seancë gjuajtjesh në portë. Një goditje nga fenomeni transalpin përfundoi mjaft larg portës dhe goditi objektivin e gabuar.
Topi i goditur fort prej tij goditi një tifoz francez me aftësi të kufizuara në fytyrë, i cili ndodhej pas portës, në shkallët e stadiumit. Këmba e djathtë e fuqishme e kampionit të PSG-së ishte deri diku fatale.
Mbappe e vuri re menjëherë dëmtimin, ndonëse i pavullnetshëm. Kështu, 23-vjeçari nuk ka shkuar me shokët e skuadrës në dhomat e zhveshjes, por ka pritur që tifozi i “gjelave” të bëhej mirë.
Më pas e përkëdheli si kërkim-faljeje. Tifozi e vlerësoi gjestin e kampionit francez, edhe pse ishte ende shumë i lënduar nga topi i tmerrshëm që e goditi në fytyrë.
/a.r
