“Terror dhe krim të shëmtuar mbi banorët”, e ka cilësuar kreu i Partisë Demokratike, Sali Berisha, aksionin e IKMT-së në Theth për shembjen e kabinave që thuhet se janë ndërtuar pa leje.
Në një konferencë për gazetarët, Berisha tha se “asnjë pëllëmbë tokë nuk është “tokë e xanun”, është tokë e trashëguar brez pas brezi” nga banorët e zonës, ndërsa shtoi më tej se ata nuk kanë shkelur ligjin e urbanistikës.
“Asnjë pëllëmbë tokë nuk është “tokë e xanun” është tokë e trashëguar brez pas brezi. Në rast se ata vërtetë në moszbatim të ligjit në tokë të tyre ka vendosur kabina, sigurisht ata kanë bërë një shkelje, por jo të ligjit për urbanistiken, sepse ndërtimet pa themel nuk i konsideron ndërtime pa leje , por ndërtime me deklarim”, tha ai.
