Në lidhje me shembjen e shtëpisë së antikomunistit Prek Cali në Vermosh ka reaguar edhe deputeti Tom Doshi. Ai e ka cilësuar një akt barbar ndërsa u premton zgjedhësve të zonës se ai do ta ngrejë sërish godinën siç ka qenë.
Doshi premton se do ta ngrejë atë kullë ashtu siç ka qenë në krye të vitit të ‘Skendërbeut’ ndërsa i kërkon falje komunitetit shqiptar në SHBA që financuan për rikonstruktimin e kullës.
“Siç jeni informu nga media, janë prish punimet që kishin fillu për rindërtimin e shpisë së Prek Calit në Vermosh…Në veçanti më vjen keq për mundin e komunitetit shqiptar të Amerikës që kontribun financiarisht për punimet që ishin ba deri dje dhe i kerkoj falje në emën të tan shqiptarëve.
Pikërisht, ata që do të duhej ta kishin mbrojtë shtëpinë e prijësit dhe të mbrojtësit të tokave shqiptare, heroit Prek Cali, e rrafshuen edhe atë që kishte mbetë në kambë.
Ky akt barbar turpnon ata që i kanë marrë votat malsorëve dhe tregon se urrejtja ndaj qëndrestarëve antikomunista si Prek Cali nuk ka fund.
Un i premtoj mbështetësve dhe bashkëqytetarëve te mij, se shtëpia e Prek Calit do të ndërtohet ashtu siç ka kene dikur, kurrkush nuk mund ta mposhtë kujtimin e atij burri të kombit. Un vetë si kushri i tij, si deputet dhe si qytetar, ju jap fjalën që shtëpia e Prek Calit do të ndërtohet trekatëshe për Vitin e Skënderbeut. Me respekt, Tom Doshi”, shkruan deputeti.
/a.m.
