Kandidati i PD-se për kryebashkiak i Dibrës, Sherefedin Shehu, u takua sot me banorë në Arrëz, Katund i Ri, Hotesh dhe Lishan i Epërm.
Në takim me banorët, Shehu theksoi ndër të tjera se për Peshkopinë është një fyerje ardhja e ministrave Gjiknuri dhe Ahmetaj, të cilët pas rritjes se çmimit të energjisë dhe presionit me faturat abuzive, janë përgjegjës direkt për korrupsionin e hidrocentralit të Skavicës.
Në programin ër bashkinë, Shehu tha se ofrimi i shërbimeve që nga pastrimi, sistemimi i rrugëve dhe kanalet vaditëse, do të jenë prioritet. “Në bashkinë e Peshkopisë ka mundësi që edhe me buxhetin ekzistues, edhe me ndërmarrje, makinerite që ka bashkia dhe që nuk varen nga dëshira e kryeministrit sepse ky kryeministër nuk ka vullnet dhe dëshirë ta mbështesë Dibrën, të realizojmë projekte që duken të vogla, por që për ju janë shumë të rëndësishme”, tha ai.
Shehu rënditi si probleme kryesore kryejë shërbimet e domosdoshme për qytetarët, mbledhjen e mbeturinave, sistemimin e kanalizimeve, largimin e ndotjeve nga fshati etj. “Ne do të mbrojmë Drinin nga ndotja, do permiresojme sistemin e vaditjes dhe në pranverën e vitit të ardhshëm sistemi ekzistues do të jetë plotësisht efecient, i gatshëm për t’ju shërbyer ju”, theksoi ai..
“Ndërsa problemi tjetër është sistemi i ujit të pijshëm. Këtej në zonën e Sinës ne kemi filluar një projekt të madh me Bankën Gjermane për Zhvillim dhe ky projekt tani do të zbatohet edhe në zonën tuaj”, theksoi kandidati Sherefedin Shehu. /r.a
