Deputeti i ri i Partisë Demokratike, Dash Shehi, ka deklaruar se Partia Demokratike do t’i humbiste zgjedhjet edhe nëse do të hiqeshin votat e blera.
“PD bëri një fushatë të keqe. Nuk bëri asgjë që të joshte votuesit. Kemi humbur shumë shanse për vota”, u shpreh ai.
Ai është shprehu se Basha duhet të tërhiqet dhe PD duhet të mblidhet me një platformë që bashkon të gjithë PD-në.
“Gara e rregullt për kreun e PD-së nuk mund të bëhet me ngrirje të tij, por me dorëheqjen e tij” është shprehur Shehi ne emisionin “Opinion”. Sipas tij, ‘ngrirja’ nuk është e mjaftueshme pasi PD është në një fazë tepër kritike dhe Basha duhet të japi dorëheqjen për të marrë përgjegjësinë dhe për të lënë garën që të vazhdoi normalisht”.
Edhe zgjedhja e kryetarit të ri sipas Shehit nuk e eliminon këtë krizë në PD, ai ka theksuar së duhet një platformë ku të përfshihen të gjithë:
“Duhet të bashkohemi përreth një platforme, një ideje të re që është e hapur për të gjithë. Për ata që janë brenda PD dhe gjithë këto rryma dhe për ne që jemi jashtë PD-së. Nuk është fundi i botës një garë është humbur”, u shpreh Shehi.
ma.me
