Ministria e Integrimit Evropian dhe Programi për Zhvillim të Kombeve të Bashkuara në Kosovë organizuan konferencën për fillimin e fushatës për informim rreth Marrëveshjes së Stabilizim Asociimit dhe zbatimit të saj.
Shefja e Zyrës se BE në Kosovë, Nataliya Apostolova me këtë rast tha se MSA është një gurthemel për ekonominë e Kosovës, e cila krijon vende të reja të punës, zhvillon bizneset dhe rritë cilësinë e produkteve në Kosovë.
“Kjo marrëveshje mundëson qasjen e produkteve kosovare në tregun e BE-së me 500 milionë banorë”, tha Apostolova.
Mirëpo, ajo theksoi se kjo marrëveshje kërkon edhe angazhim nga institucionet për pavarësimin e gjyqësorit, ngase ka prona të uzurpuara, lëndë të pa zgjidhura dhe kjo i pengon bizneset dhe minon mundësitë e përfitimit të Kosovës nga MSA.
Ajo ka ripërsëritur se liberalizimi i vizave është i ndërlidhur me dy kritere, demarkacioni dhe krimin e korrupsionin, citohet Koha. (b.an)
