Shefja e Fondit Monetar Ndërkombëtar, FMN, Christine Lagarde, u përball me një gjykim nën dyshimet për neglizhencë, me rastin e menaxhimit të një shpagimi masiv për një miliarder francez, Bernard Tapie, në kohën kur ishte ministre franceze e financave.
Akuzat kundër Lagarde burojnë nga një vendim arbitrar, me të cilin Tapie ishte shpërblyer me më shumë se 400 milionë euro, gjatë një kontesti në vitin 2008, me bankën franceze “Credit Lyonnais”. Në kontest ishte përfshirë edhe shitja e kompanisë së sportit ADIDAS, kurse në dhjetor Tapi ishte urdhëruar që t’i kthejë paratë. Ministri aktual financave në Francë, Michel Sapin, tha pas publikimit të akuzave më 17 dhjetor se nuk beson se vendimi i gjykatës do të mund ta pengojë zonjën Lagarde në përmbushjen e përgjegjësive që ka si shefe e FMN-së.
