Shefi i NATO-s gjatë vizitës së sotme në Maqedoninë e Veriut në një takim me kryeministrin maqedonas Zoran Zaev përgëzoi Maqedoninë e Veriut për marrëveshjen e paprecedent mes Shkupit dhe Athinës ku me një detetminim historik dhe me një këmbënguljeje të paprecedent arritën të bëjnë historinë duke zgjidhur mosmarrëveshjen disa dekadeshe për çështjen e emrit të Maqedonisë së Veriut.
Stoltenberg tha se të dyja vendet më këtë marrëveshje treguan se e pamundura mund të bëhet realitet dhe mosmarrëveshjet mes fqinjëve të marrin fund . “Kjo marrëveshje do të sjellë ditë më të mira për Maqedoninë e Veriut duke bërë më të sigurt Aleancën dhe Maqedoninë e Veriut, tha mes të tjerave Shefi i NATO-s. Ai përgëzoi edhe kryeministrin për këtë marrëveshje historike dhe që bëri të mundur futjen e Maqedonisë së Veriut në Aleancën Veri-atlantike. Integrimi i Maqedonisë së Veriut në NATO do të jetë në fokus të mbledhjes së sotme të Këshillit veriatlantik me Komitetin e integrimit të vendit në Aleancë, që mbahet në Shkup.
“Së shpejti anëtarja e 30-të e NATO-s, Republika e Maqedonisë së Veriut sot këtu është nikoqir i 29-të aleatëve”, porositi sot në fillim të mbledhjes sekretari i përgjithshëm i NATO-s, Jens Stoltenberg, i cili kryeson me Këshillin.
