Çështja e presidentit sirian Bashar al Assad dhe mundësia e largimit të tij nga pushteti, është ngritur nga drejtori Agjencisë Qendrore të Inteligjencës kur vizitoi Moskën në fillim të marsit.
Duke cituar burime pranë Ambasadës së Shteteve të Bashkuara në Rusi, lajmin e ka bërë të ditur agjencia e lajmeve RIA. Kjo e fundit shkruan se drejtori John Brennan, diskutoi edhe lidhur mbi ecurinë e armëpushimit në Siri.
“Interfax” citoi zëvendësministrin e Jashtëm rus, Oleg Syromolotov të thoshte se, “Brennan ishte takuar edhe me shefin e FSB-së, ndërsa mohoi që vizita e tij të ketë qenë e lidhur me vendimin e Moskës për të tërhequr trupat nga Siria”.
“Synimi i vizitës së Brennan ishte të theksonte me palën ruse rëndësinë që Moska dhe regjimi i Assad të ndjekin marrëveshjet e arritura me qëllim dhënien fund të akteve luftarake në Siri”, njoftoi CIA përmes një deklarate për shtyp.
