Departamenti i Thesarit të SHBA pritet të vendosë një sërë sanksionesh javën e ardhshme në kuadër të samitit për Demokraci.
Sipas raportimit të Reuters, në këtë vendim pritet të jenë njerëzit e përfshirë në korrupsion, abuzime serioze me të drejtat e njeriut dhe ata që janë cilësuar nga SHBA si minues të demokracisë.
Një zëdhënës i Departamentit të Thesarit tha ndër të tjera se:
“Thesari do të ndërmarrë një sërë veprimesh për të përcaktuar individët që janë të përfshirë në aktivitete keqdashëse që minojnë demokracinë dhe institucionet demokratike në mbarë botën duke përfshirë korrupsionin, represionin, krimin e organizuar dhe abuzimin serioz të të drejtave të njeriut”, tha zëdhënësi duke shtuar se:
“Gjithashtu pritet shpallen propozime për të mbyllur zbrazëtirat ligjore që lejojnë zyrtarët e korruptuar të shfrytëzojnë tregun e pasurive të paluajtshme dhe të adresojnë boshllëqet në rrjetin e transparencës së korporatave që lejojnë lulëzimin e korrupsionit apo rrjedhjen e të ardhurave të paligjshme në Shtetet e Bashkuara”, tha zëdhënësi.
/a.r
