Një ngjarje makabre ka ndodhur në Shtetet e Bashkuara të Amerikës, ku një 44-vjeçar ka vrarë djalin e tij 7 vjeçar dhe ja ka hedhur si ushqim derrave.
Në fotot më poshtë shfaqet shtëpia e horrorit, ku baba idhe njerka vranë djalin e tyre 7-vjeçar dhe trupin ia hodhën derrave për ta ngrënë. Michael Jones, 44 vjeç dhe Heather Jones, 29 vjeç, akuzohen për vrasje të shkallës së parë dhe abuzim me fëmijët. Ngjarja e rëndë ndodhi në Kansas City, SHBA. Policia u njoftua se vogëlushi 7-vjeçar nuk gjendej. Ata gjetën mbetje të trupit të tij në një stallë derrash. Ndërkohë në shtëpinë ku jetonte fëmija ata gjetën minj të ngordhur, kafazë plot minj, shiringa, helm dhe video pornografike. Pronarja e banesës, Jennifer Hoevers, që e kishte lëshuar me qira për çiftin vrasës, tha se kishte mbetur e shokuar kur hyri brenda për herë të parë që pas ngjarjes.
“Më mori frymën. Kishte ushqim të prishur kudo. Muri ishte mykur dhe kishte vrima plumbash”, u shpreh ajo.
Në shtëpi jetonin edhe gjashtë vajza, që janë marrë nga shërbimi i kujdesit social.
