Shkëlzen Gashi ndihmoi Colorado Rapids të arrinte fitoren e parë sezonale, me ekipin e tij që mundi me një gol në fund, Los Angeles Galaxy të Gerrard, Keane, De Jong dhe Ashley Cole. Sulmuesi i kombëtares shqiptare, që është shndërruar në lojtarin më të ndjekur mediatikisht te Rapids, ishte pjesmarrës në çdo aksion sulmues të të tijve. Vendasit megjithatë ishin me fat në pjesën e parë kur Galaxy goditi traversën, ndërsa në pjesën e dytë, më ekzkatësisht në minutën e 52-të, sulmuesi kuqezi ju afrua ndjeshëm golit, por goditja e tij doli paksa jashtë. Gashi, që luajti 90 minuta në këtë ndeshje, ndihmoi ekipin të sulmonte në minutat e fundit, dhe në kohën shtesë, Marco Pappa, arriti të gjejë golin e fitores për të tijtë me një goditje të bukur në zonë që la të “shtangur” portierin vendas, Brian Rowe. Kjo ishte fitorja e parë në dy ndeshje për Coloradon në sezonin e rregullt, që në javën e parë ishte mundur 1-0 nga San Jose Earthwuake.
